Fótbolti.net

Hörður Snævar: Setjum gjöf á diskinn þeirra

Alli Jói sáttur og glaður - „Mikilvægt að fá leiki á þessum tímapunkti"

Valgeir: Sýndum fram á hvað við erum að fara bjóða upp á í deildinni

Haddi: Staðan í hálfleik var ekki sanngjörn

Dóri Árna: Einni eldingu frá því að vera flautaðir inn

Sölvi Geir: Akkúrat leikurinn sem þú vilt fá rétt fyrir mót

Óskar Hrafn um meiðsli Stefáns Árna: Eitthvað sem viðkemur leiknum sjálfum verður hjákátlegt

Jóhann Kristinn: Væri mjög barnalegt að skella skuldinni á það

Agla María spennt fyrir tímabilinu: Höfum sjaldan verið með jafn öflugan hóp

Siggi Höskulds: Hrikalega stoltur af liðinu að klára þetta

Meiðslavandræðin elta KA - „Var ekki parsáttur við Þórsarana"

Arnar Gunnlaugs: Ég er ekki að biðja ykkur um að vera þolinmóðir

Stefán Teitur: Nenni ekki að standa hérna og tala um það

Orri Steinn: Höldum því bara á milli okkar leikmanna og teymisins

Aron Einar: Skil strákana eftir tíu og þarf að bera ábyrgð á því

Arnór Ingvi hreinskilinn: Grautfúlt og hundlélegt

Sögur um margar breytingar á byrjunarliðinu - Hákon meiddur?

Orri Hrafn: Klárir í þá baráttu sem framundan er

Var í viðræðum við óvænt félag er Keflavík hafði samband - „Á alltaf að treysta innri tilfinningu"

Túfa: Þetta er ekki að gerast í fyrsta skipti

sun 18. maí 2014 22:14

Alexander Freyr Tamimi

Árni Vill: Ánægður að hafa potað honum inn

Árni skoraði frábært mark í kvöld.

Mynd: Fótbolti.net - Hafliði Breiðfjörð

Árni Vilhjálmsson, framherji Breiðabliks, var ósáttur með 2-2 jafntefli liðsins gegn nýliðum Fjölnis í Pepsi deildinni í kvöld á Kópavogsvelli.

Árni segist þó hafa séð batamerki í spilamennskunni og vonar að það haldi áfram.

„Við erum ósáttir með að taka ekki þrjú stigin, en effortið var fínt og við börðumst allan leikinn, og sýndum meira líf og baráttu en í síðustu leikjum. Við fáum eitt stig og það er betra en ekki neitt, en fyrst og fremst er ég sáttur með að við berjumst töluvert betur í dag en við höfum verið að gera,“ sagði Árni við Fótbolta.net.

„Þetta Fjölnislið er gott lið, þeir eru baráttuglaðir og fara áfram á því, og þeir eru með flotta menn innanborðs sem geta gert ýmislegt með boltann. Þeir eru bara flott lið en mér finnst við eigum að geta klárað þetta, komumst tvisvar yfir og við eigum að geta klárað svona leiki.“

Árni skoraði algert draumamark þegar hann kom Blikum í 1-0 með frábæru skoti utan teigs í fyrri hálfleiknum. Hann var sáttur með að skora, og nýtti tækifærið til að hrósa liðsfélaga sínum Elvari Páli Sigurðssyni.

„Ég er nú yfirleitt bara ánægður þegar ég smelli honum inn. Þetta er byrjunin bara og maður verður að halda áfram þessu striki. Ég er bara þakklátur, ég hefði ekki getað þetta ef ég hefði ekki fengið þessar sendingar inn í og er með Elvar þarna frammi með mér, sem var að vinna mikla vinnu og opna svæði fyrir mig, hann á hrós skilið fyrir þennan leik. Annars er ég bara ánægður með að hafa potað honum inn og ég held þessu vonandi áfram,“ sagði Árni, sem hefur trú á því að Blikar geti snúið gengi sínu við.

„Ég hef bara 100 prósent trú á því. Við erum flottir karakterar í þessu liði, með góða þjálfara og hópurinn og staffið í kringum þetta lið, við getum snúið þessu við. Það er sem betur fer stutt í næsta leik og við reynum að gera betur þar en í dag,“ sagði Árni.

Hann segir að það sé engin afsökun fyrir spilamennsku liðsins að þjálfarinn Ólafur Kristjánsson sé á leið til Nordsjælland í Danmörku um mánaðamótin og segir hann leikmenn ekkert vera að pæla í því.

„Ekki neitt, ekki neitt. Við pælum ekkert í því og höfum ekkert pælt í því. Það kemur alltaf upp svona umræða þegar liðum gengur ekki vel, en þetta skiptir okkur engu máli. Við erum búnir að vera með Óla lengi og þekkjum Gumma vel, þetta skiptir engu máli. Ég hef ekki verið alinn upp til að vera með afsakanir og mun ekki gera það,“ sagði Árni.