banner
   mán 18. maí 2015 20:23
Ívan Guðjón Baldursson
Memphis stóðst læknisskoðun hjá Man Utd (Staðfest)
Mynd: Getty Images
Manchester United er búið að tilkynna að Hollendingurinn efnilegi Memphis Depay hefur staðist læknisskoðun hjá félaginu.

Félagsskipti Memphis hafa verið gríðarlega mikið í fjölmiðlum undanfarnar vikur enda gríðarlega eftirsóttur eftir magnað tímabil með Hollandsmeisturum PSV Eindhoven.

Memphis er 21 árs gamall og skoraði 22 mörk í 30 deildarleikjum á tímabilinu. Auk þess lagði hann 5 mörk upp og var 8 sinnum valinn maður leiksins, eða í um fjórða hverjum leik.

Þá skoraði Memphis þrjú mörk í sex leikjum í Evrópudeildinni og var einu sinni valinn maður leiksins.
Athugasemdir
banner
banner
banner
banner
banner