Þróttur Vogum og Grindavík mætast í Borgunarbikar KSÍ klukkan 19:00 á Grindavíkurvelli í kvöld.
Mikil stemning er fyrir þessum Suðurnesjaslag en Þróttarar ætla bjóða uppá andlitsmálningu fyrir leik.
Mikil stemning er fyrir þessum Suðurnesjaslag en Þróttarar ætla bjóða uppá andlitsmálningu fyrir leik.
Þróttarar ætla bjóða uppá rútuferðir frá Vogunum og Grindavíkingar ætla kveikja upp í grillinu klukkutíma fyrir leik og eru stuðningsmenn beggja liða hvattir til að mæta í grillið.
Fyrir leikinn býður bæjarstjórn Grindavíkur fulltrúum bæjarstjórnar Voga til móttöku, enda ekki á hverjum degi sem nágrannaslagur er í knattspyrnunni.
Það er mikil tenging á milli félaganna og nokkrir leikmenn Þróttar hófu sinn feril með Grindavík á sínum tíma. Fyrirliði Þróttara er Páll Guðmundsson sem lék með Grindavík í nokkur ár.
Þá þjálfaði Þorsteinn Gunnarsson lið Þróttar 2013 og 2014 en hann var áður formaður knattspyrnudeildar Grindavíkur.
Athugasemdir