„Gæti orðið sérstakt"
„Þetta hefur verið mjög gott tímabil fyrir Liverpool," sagði Carragher aðspurður út í tímabilið hjá sínu gamla félagi.

Liverpool endaði í fjórða sæti ensku úrvalsdeildarinnar en er komið í úrslitaleik Meistaradeildarinnar. Úrslitaleikurinn verður um næstu helgi gegn Real Madrid.

„Þetta gæti orðið frábært tímbil ef þeir vinna úrslitaleikinn, ef þeir tapa úrslitaleiknum hefur þetta samt verið mjög gott tímabil. Liðið er komið aftur í Meistaradeildina og hefur sigrað Porto, Manchester City og Roma á leið sinni í úrslitaleikinn."

„Þetta hefur verið mjög gott tímabil en gæti orðið sérstakt."

Um möguleika Liverpool í úrslitaleiknum segir Carragher:

„Liverpool þarf að spila eins og þeir gerðu á heimavelli gegn Roma og Manchester City í Meistaradeildinni til þess að sigra Real Madrid. Þeir eru meira en færir um það."

„Fólk óttaðist það versta"
Liverpool missti Philippe Coutinho til Barcelona í janúar. Það hefur ekki haft eins mikil áhrif á liðið og búist var við.

„Þegar við misstum Coutinho í janúar óttaðist fólk það versta og ég gerði það líka," segir Carragher.

„Hann var örugglega okkar besti leikmaður á þessu tíma. Við fengum engan leikmann í sömu stöðu, en við fengum Virgil van Dijk og nú er liðið jafnvel sterkara."

„Spurningamerki voru sett við stjórann en Jurgen Klopp hafði rétt fyrir sér í þessu tilviki."

Carragher segir jafnframt að Coutinho hafi verið of dýr ef eitthvað er. Hann vill fá leikmann í stað Coutinho í sumar. „Vonandi getum við fengið hinn nýja Coutinho í sumar."

Sjá einnig:
Völdu leikmenn sem Klopp á að hugsa um að kaupa í sumar

Viðtalið má sjá í heild sinni hér að ofan.