Valur gerði sitt þriðja jafntefli í röð þegar liðið mætti Stjörnunni í Pepsi-deild karla í kvöld. Segja má að Valsmenn hafi verið heppnir að ná í jafntefli þar sem bæði mörk liðsins voru umdeild. Leikurinn endaði 2-2.
Í seinna mark Vals fór boltinn af hendi Hauks Páls Sigurðssonar, fyrirliða Vals. Haukur Páll ræddi við fréttamann Fótbolta.net eftir leik og var hann fyrst spurður út í jöfnunarmark Vals.
„Siggi Dúlla var að segja mér að ég hefði tekið hann með hendinni, það var ekki viljaverk," sagði Haukur Páll.
„Mér fannst boltinn hrökkva af mér og til Sigga (Sigurðar Egils Lárussonar), sem kláraði vel. Ég var ekki að reyna að beita hendinni til þess að koma honum á Sigg. Ég verð að fá að sjá þetta aftur til þess að tjá mig betur um þetta."
Í seinna mark Vals fór boltinn af hendi Hauks Páls Sigurðssonar, fyrirliða Vals. Haukur Páll ræddi við fréttamann Fótbolta.net eftir leik og var hann fyrst spurður út í jöfnunarmark Vals.
„Siggi Dúlla var að segja mér að ég hefði tekið hann með hendinni, það var ekki viljaverk," sagði Haukur Páll.
„Mér fannst boltinn hrökkva af mér og til Sigga (Sigurðar Egils Lárussonar), sem kláraði vel. Ég var ekki að reyna að beita hendinni til þess að koma honum á Sigg. Ég verð að fá að sjá þetta aftur til þess að tjá mig betur um þetta."
Lestu um leikinn: Valur 2 - 2 Stjarnan
Valur er Íslandsmeistari, en meistararnir hafa ekki byrjað nægilega vel. Liðið er með sex stig eftir fjóra leiki.
„Við verðum að líta inn á við og njóta þess meira að spila fótbolta. Við verðum að fá meiri gleði í þetta og jákvæðni. Það mun koma í næsta leik," sagði Haukur.
Viðtalið er í heild sinni hér að ofan.
Athugasemdir