Fimm íslenskir landsliðsmenn eru farnir að hefja undirbúning fyrir HM í Rússlandi undir stjórn þjálfarateymis Íslands. Þeir æfðu saman á Laugardalsvelli í dag.
Einn þeirra er bakvörðurinn Hörður Börgvin Magnússon og fékk hann fyrst spurningu um hvort það væri ekki sérstakt að vera svona fáliðaðir á æfingum.
Einn þeirra er bakvörðurinn Hörður Börgvin Magnússon og fékk hann fyrst spurningu um hvort það væri ekki sérstakt að vera svona fáliðaðir á æfingum.
„Þetta er auðvitað skrítin tilfinning en við gerðum þetta fyrir Króatíuleikinn í fyrra. Þá fórum við til Akureyrar og breyttum aðeins til, heimsóttum heimabæ Aronar. En auðvitað er gott að vera hérna í Reykjavík, borginni sinni," segir Hörður.
„Ég er mjög ánægður með að fá að æfa á Íslandi alveg þar til við förum til Rússlands. Það er öðruvísi að æfa í kalda loftinu á Íslandi og fara svo í hitann í Rússlandi en við kvörtum ekki. Við fáum að vera með fjölskyldu okkar."
HM hópur Íslands var kynntur fyrir viku síðan en Hörður á að hafa getað fylgst með því vali mjög rólegur enda allir sem reiknuðu með honum í hópnum.
„Ég var búinn að fylgjast með umræðu ykkar fjölmiðlamanna og þið tölduð mig 100% öruggan. Það hefur aðeins hjálpað! Það var alveg smá stress en ég er á öðruvísi stað en fyrir EM eftir að hafa spilað í undankeppninni. Maður fékk samt fiðring þegar maður horfði á myndbandið frá KSÍ um hverjir færu með."
Það eru 29 dagar í fyrsta leik Íslands á HM.
„Þetta er enn svo óraunverulegt eitthvað," segir Hörður en í viðtalinu ræðir hann einnig um tímabilið hjá Bristol City.
Athugasemdir