Valur og ÍBV gerðu 1-1 jafntefli í Pepsi-deildinni í kvöld. Fótbolti.net ræddi við markvörð Eyjamanna, David James, eftir leikinn í kvöld.
Lestu um leikinn: Valur 1 - 1 ÍBV
„Við lítum á þetta sem gott stig gegn liði sem er ósigrað í deildinni á þessu tímabili. Að auki á útivelli. Við bjuggum til færi í fyrri hálfleik en Valur setti pressu á okkur í seinni hálfleiknum," sagði James.
„Áætlanir okkur gengu upp í fyrri hálfleik. Við byrjuðum vel í seinni hálfleik. Það eru vonbrigði að fá á sig þetta mark, við vissum að við þyrftum að hafa góðar gætur á honum (Kolbeini Kárasyni) en gáfum honum frían skalla."
Eyjamenn voru ekki sáttir við harkalega tæklingu Hauks Páls Sigurðssonar við endalínuna í seinni hálfleik og Hermann Hreiðarsson, þjálfari ÍBV, var allt annað en sáttur.
„Ég sá þetta ekki nægilega vel. En ef Hermann er brjálaður þá er ég brjálaður," sagði James kíminn en viðtalið má sjá í heild í sjónvarpinu hér að ofan.
