Pétur Pétursson.
Pétur Pétursson sagði við Fótbolta.net að klárt sé að hann muni klára tímabilið sem aðstoðarþjálfari KR, hann sé samningsbundinn félaginu og sé ekki á förum.
Pétur hefur verið orðaður við þjálfarastarf ÍA en hann segir að á þessum tímapunkti allavega sé hann ekki að fara að taka við þessu starfi. Áðan var tilkynnt að Þórður Þórðarson hefur látið af störfum.
Pétur hefur verið orðaður við þjálfarastarf ÍA en hann segir að á þessum tímapunkti allavega sé hann ekki að fara að taka við þessu starfi. Áðan var tilkynnt að Þórður Þórðarson hefur látið af störfum.
Pétur er Skagamaður í húð og hár og er í miklum metum hjá félaginu eftir að hafa verið einn besti leikmaður sem leikið hefur í búningi þess.
Meðal annarra nafna sem nefnd hafa verið í umræðunni eru Kristján Guðmundsson og Zoran Miljkovic. Kristján vildi ekkert tjá sig um málið þegar Fótbolti.net hafði samband og ekki hefur náðst í Zoran Miljkovic.
