Malen, Maguire, Rashford, Greenwood, Yoro, Eriksen og fleiri góðir í slúðri dagsins
   mán 18. júní 2018 12:33
Ívan Guðjón Baldursson
120 Svíar komust ekki á HM - Vantaði áhöfn
Mynd: Getty Images
Hópur af 120 Svíum sem greiddu um 200 þúsund íslenskar krónur á haus fyrir ferð til Rússlands komust ekki með því það vantaði áhöfn til að manna flugvélina.

Stuðningsmannahópurinn átti að fljúga út í morgun á vegum ferðaþjónustufyrirtækisins Watch It Live. Allir voru mættir upp á flugvöll og var aðeins hálftími í flug þegar tilkynning barst um að fluginu hefði verið aflýst.

Svíunum fannst það eitthvað skrítið enda allar aðrar vélar að fara í loft, en þá var útskýrt að það vantaði einfaldlega áhöfn til að manna vélina og ekki var tími til að finna aðra áhöfn enda voru aðeins átta tímar í leik.

„Okkur þykir þetta ótrúlega leitt og við höfum beðið flugfélagið um að skila til okkar greinargerð um hvað það var sem klikkaði," sagði Elie Komo, framkvæmdastjóri Watch It Live.

„Við viljum taka fram að stuðningsmenn munu fá fulla endurgreiðslu."

Leikurinn í dag gegn Suður-Kóreu er fyrsti leikur Svía á HM í 12 ár. Svíarnir á flugvellinum brustu margir hverjir í grát þegar þeir áttuðu sig á því að þeir kæmust ekki til Rússlands.
Athugasemdir
banner
banner
banner