Fótboltaveislan heldur áfram á heimsmeistaramótinu í Rússlandi í dag.
Í hádeginu mæta frændur okkar Svíar Suður Kóreumönnum. Sá leikur hefst á slaginu 12:00. Með þeim í riðli eru Þýskaland og Mexíkó en Mexíkóar unnu Þjóðverjana í gær, 1-0.
G-riðill hefst svo klukkan 15:00 þegar Belgía mætir Panama. Um er að ræða fyrsta leik Panama á heimsmeistaramóti í sögu þjóðarinnar. Panama og Ísland eru einu nýliðarnir á HM í ár.
Klukkan 18:00 í kvöld hefst svo leikur Túnis og Englands en gríðarleg pressa er á Englandi sem fyrr og enska pressan lætur menn heyra það ef þeir standa sig ekki.
Leikir dagsins:
F-riðill:
12:00 Svíþjóð - Suður Kórea
G-riðill:
15:00 Belgía - Panama
18:00 Túnis - England
Athugasemdir