fös 18. ágúst 2017 14:45
Magnús Már Einarsson
Liverpool hafnar nýju tilboði frá Barcelona í Coutinho
Mynd: Getty Images
Liverpool hefur hafnað nýju tilboði frá Barcelona í hinn brasilíska Philippe Coutinho.

Tvennum sögum fer af því hvað tilboðið hljóðaði upp á. Sumir fjölmiðlar segja að það hafi verið 118 milljónir punda (129 milljónir evra) á meðan aðrir segja 114 milljónir punda (125 milljónir evra)

Þetta er þriðja tilboð Barcelona í Coutinho sem Liverpool hafnar.

Liverpool hafnaði einnig beiðni Coutinho um sölu frá félaginu í síðustu viku. 13 dagar eru í að félagaskiptaglugginn loki og Liverpool stendur áfram fast á því að Coutinho verði ekki seldur til Barcelona.

Coutinho hefur ekki komið við sögu í byrjun tímabils með Liverpool. Fyrir leikinn gegn Watford um síðustu helgi var sagt að hann væri meiddur í baki en tvennum sögum fer af því hvort það sé satt eða ekki.
Athugasemdir
banner
banner
banner
banner