Haukar unnu í kvöld Keflavík í einhverjum ótrúlegasta fótboltaleik sem undirskrifaður hefur séð. Haukar höfðu betur, 4-2, eftir að hafa lent 2-0 undir í byrjun seinni hálfleiksins. Þá tóku Haukarnir sig saman í andlitinu og unnu að lokum 4-2 sigur.
Er ekki skemmtilegast að vinna fótboltaleiki á þennan hátt? Að þessu var Stefán Gíslason, þjálfari Hauka, spurður að eftir leik kvöldsins.
„Það var að minnsta kosti virkilega ljúft í kvöld," sagði Stefán þegar Fótbolti.net ræddi við hann að leik loknum.
Er ekki skemmtilegast að vinna fótboltaleiki á þennan hátt? Að þessu var Stefán Gíslason, þjálfari Hauka, spurður að eftir leik kvöldsins.
„Það var að minnsta kosti virkilega ljúft í kvöld," sagði Stefán þegar Fótbolti.net ræddi við hann að leik loknum.
Lestu um leikinn: Haukar 4 - 2 Keflavík
„Það fengu allir fullt fyrir peninginn sem þeir greiddu í kvöld. Það er alveg á hreinu. Þetta var opinn og fjörugur leikur."
„Við byrjuðum leikinn illa. Síðan finnst mér við ná betri tökum á þessu og mér fannst við flottir síðasta hálftímann í fyrri hálfleik. Við ræðum það í hálfleik að halda áfram. Við fáum svo mark í andlitið, enn eitt vítið. Það er reyndar magnað að við fáum ekki víti í þessum leik. Við fáum mark í andlitið strax í byrjun seinni hálfleiks, en svo sýnir liðið magnaðan karakter," sagði Stefán um leikinn.
Haukarnir eru á miklu skriði og það er langt síðan þeir töpuðu síðast fótboltaleik. Þeir eru með í þessum stóra pakka á toppnum.
„Við erum að safna stigum og höngum í efstu liðunum. Það hefur verið planið okkar frá fyrsta leik að hanga í toppnum og stríða efstu liðunum. Við erum enn að gera það. Planið er að fagna í kvöld og svo byrjum við að undirbúa fyrir okkur gegn HK sem líka á skriði."
Viðtalið í heild sinni má sjá í spilaranum að ofan.
Geggjaðasti leikur sem ég hef séð. Haukar vs Kef shitty. #Inkasso #fotboltinet
— Ellert I. Hafsteinss (@Ellertingi) August 18, 2017
Stebbi Gisla að gera þetta Hauka lið 10x betra en það er #böllur #fotboltinet
— Adam Palsson (@Adampalss) August 18, 2017
Athugasemdir