Di Maria fyrir utan æfingasvæði Man Utd.
Angel Di Maria, leikmaður Manchester United, viðurkennir að möguleikinn á að vinna undir Louis van Gaal hafi spilað stóra rullu í þeirri ákvörðun að fara frá Real Madrid og á Old Trafford.
„Van Gaal á stóran þátt í því að ég kom hingað. Hann var einn af þeim fyrstu sem töluðu við mig um að koma. Stjórinn á alltaf síðasta orðið varðandi leikmenn sem hann vill og ég er honum mjög þakklátur fyrir að vera leikmaður United," segir Di Maria sem var frábær í 4-0 sigri gegn QPR síðustu helgi.
„Ég þurfti á tilbreytingu að halda og vinn að því að bæta mig á hverjum degi. Ég mun reyna að gera mitt besta í hverjum leik. Manchester United reynir að vaxa. Það var engin draumabyrjun á tímabilinu en svona gerist í boltanum."
Athugasemdir
