Stjarnan vann Víking í kvöld á meðan FH og KR gerðu 1-1 jafntefli. Úrslitin gera það að verkum að FH og Stjarnan eru jöfn að stigum á toppi deildarinnar þegar þrjár umferðir eru eftir af Pepsi-deildinni.
Lestu um leikinn: FH 1 - 1 KR
„Mér fannst vera forsendur fyrir því að gera betri hluti. Við vorum skipulagðir í seinni hálfleik og gáfum fá færi á okkur," sagði Heimir Guðjónsson, þjálfari FH.
„Við gerðum klaufaleg mistök í jöfnunarmarkinu. Við þurftum ekki að tapa þessu niður í jafntefli en við verðum að sætta okkur við það. Það er dýrt að gera mistök á móti jafn góðum leikmanni og Gary Martin."
„Stjarnan vinnur sína leiki og við verðum að vera klárir. Næst er erfiður leikur á móti Fram sem er í bullandi fallbaráttu."
Viðtalið má sjá í heild í sjónvarpinu hér að ofan.
Athugasemdir