Romelu Lukaku er að eiga bestu byrjun sem sóknarmaður Manchester United síðan Andy Cole byrjaði með hvelli.
Lukaku hefur skorað sjö mörk í fyrstu sjö leikjum sínum fyrir félagið, líkt og Cole gerði.
Lukaku hefur skorað sjö mörk í fyrstu sjö leikjum sínum fyrir félagið, líkt og Cole gerði.
Mörk Lukaku dreifast þó öllu betur en honum hefur aðeins mistekist að skora í einum leik. Cole skoraði tvö mörk í fyrstu sex leikjunum og gerði síðan fimm mörk í sjöunda leiknum, 9-0 sigri gegn Ipswich í mars 1995.
Cole og Lukaku hafa besta hlutfall allra leikmanna United síðan enska úrvalsdeildin var sett á laggirnar.
Fimm framherjar United náðu að skora fimm mörk í fyrstu sjö leikjunum; Zlatan Ibrahimovic, Robin van Persie, Ole Gunnar Solskjær, Louis Saha og Dimitar Berbatov.
Svo er það hópur þeirra framherja sem skoruðu fjögur mörk í fyrstu sjö leikjunum fyrir United: Wayne Rooney, Ruud van Nistelrooy, Marcus Rashford, Eric Cantona, Dwight Yorke og Anthony Martial.
Athugasemdir