Varnarmaðurinn Jerome Boateng íhugaði að yfirgefa þýska stórveldið Bayern München í sumar. Hann viðurkennir þetta í samtali við þýska tímaritið Kicker, en hann fékk ekki mikið að spila hjá Carlo Ancelotti.
Boateng var nokkuð meiddur á síðasta tímabili, en Ancelotti hafði hann einnig oft utan byrjunarliðsins þegar hann var heill.
Boateng var nokkuð meiddur á síðasta tímabili, en Ancelotti hafði hann einnig oft utan byrjunarliðsins þegar hann var heill.
Boateng segist hafa rætt við stjórnarmenn Bayern vegna þess.
„Ég ræddi við stjórnarmennina í sumar um það hvernig þeir litu á mig, ég sagði við þá að ég væri að hugsa um félagsskipti," sagði Boateng.
Ancelotti var á dögunum rekinn eftir að hafa tapað búningsklefanum, en í hans stað var gamli refurinn Jupp Heynckes ráðinn. Heynckes þekkir Bayern vel eftir að hafa stýrt liðinu þrisvar áður. Boateng er ánægður með ráðninguna á honum.
„Viðhorf hans er mjög jákvætt fyrir okkur sem lið. Það eru ekki margir stjórar sem eru jafn góðir og hann."
Athugasemdir