Meistaradeildin heldur áfram að rúlla í kvöld. Það eru fjórir leikir af átta í beinni útsendingu á sportrásum Stöðvar 2.
Manchester United getur farið langt með að tryggja sæti sitt í 16-liða úrslitum með sigri á Benfica í Portúgal í dag.
United hefur unnið báða leiki sína hingað til á meðan Benfica hefur tapað báðum sínum leikjum.
Í sama riðli eigast CSKA Moskva og Basel við.
Englandsmeistarar Chelsea eiga erfiðan leik fyrir höndum gegn Roma á meðan Atletico Madrid heldur til Aserbaídsjan og spilar gegn Qarabag. Sá leikur hefst 16:00, en aðrir leikir eru 18:45.
Neymar, Mbappe, Cavani og félagar PSG sækja Anderlecht heim og Bayern spilar undir stjórn Jupp Heynckes gegn Celtic.
Juventus og Barcelona eiga síðan leiki gegn Sporting Lissabon og Olympiakos í D-riðlinum skemmtilega.
Hér að neðan eru leikir dagsins.
A-riðill
18:45 CSKA Moskva - Basel
18:45 Benfica - Manchester United (Stöð 2 Sport 2)
B-riðill
18:45 Anderlecht - PSG (Stöð 2 Sport 6)
18:45 Bayern - Celtic (Stöð 2 Sport 5)
C-riðill
16:00 Qarabag - Atletico Madrid
18:45 Chelsea - Roma (Stöð 2 Sport 3)
D-riðill
18:45 Juventus - Sporting Lissabon
18:45 Barcelona - Olympiakos
Athugasemdir