Siggi Raggi þjálfaði ÍBV í sumar.
Ekki er víst að Sigurður Ragnar Eyjólfsson verði aðstoðarmaður Rúnars Kristinssonar hjá norska félaginu Lilleström.
Rúnar vill fá Sigurð Ragnar með sér til Noregs en fleiri möguleikar eru í stöðunni fyrir Sigurð.
Rúnar vill fá Sigurð Ragnar með sér til Noregs en fleiri möguleikar eru í stöðunni fyrir Sigurð.
,,Ég er að funda með Rúnari í dag um starfið og það er mjög spennandi. Ég á síðan von á tilboði frá Lilleström á morgun," sagði Sigurður Ragnar við Fótbolta.net í dag.
,,Ég er með tvo aðra mjög spennandi valkosti. Ég ætla að vega og mína valkosti þegar ég er kominn með tilboðið frá Lilleström. Það eru aðrir möguleikar bæði heima og erlendis. Ég reikna með að þetta skýrist fyrir helgi."
Sigurður Ragnar þjálfaði ÍBV í Pepsi-deild karla í sumar eftir að hafa áður þjálfað kvennalandsliðið í áraraðir.
Athugasemdir
