Skoski miðjumaðurinn Iain Williamson hefur æft með Fjölnismönnum að undanförnu.
Iain yfirgaf herbúðir Vals þegar samningur hans rann út í haust og hann er nú að reyna fyrir sér í Grafarvoginum.
Iain skoraði laglegt mark í 3-3 jafntefli Fjölnis og Stjörnunnar í Bose mótinu í gærkvöldi.
Iain yfirgaf herbúðir Vals þegar samningur hans rann út í haust og hann er nú að reyna fyrir sér í Grafarvoginum.
Iain skoraði laglegt mark í 3-3 jafntefli Fjölnis og Stjörnunnar í Bose mótinu í gærkvöldi.
Hinn 27 ára gamli Iain hefur leikið með Val undanfarin þrjú ár eftir að hafa spilað með Grindvíkingum sumarið 2012. Hann lýsti því yfir í samtali við Fótbolta.net á dögunum að draumurinn væri að spila áfram á Íslandi.
„Ég vil spila áfram á Íslandi. Ég kann vel við fótboltann og lífsstílinn. Ég bý á Íslandi með Ingu kærustunni minni og það er stór ástæða fyrir því að ég vil vera áfram hér," sagði Iain á dögunum.
Samtals skoraði Iain þrjú mörk í 52 deildar og bikarleikjum á tíma sínum hjá Val.
Athugasemdir
