KSÍ staðfesti rétt í þessu að Ísland muni mæta Finnlandi í vináttulandsleik í Abu Dhabi 13. janúar næstkomandi. Ísland og Finnland eru saman í riðli í undankeppni Heimsmeistaramótsins í Rússlandi 2018.
Eins og kom fram á Fótbolta.net á dögunum er liðið á leið tli Abu Dhabi í janúar þar sem stendur til að spila tvo vináttulandsleiki. Ekki er enn ljóst hver mótherjinn verður í hinum leiknum.
Þar sem ekki er um alþjóðlega leikdaga að ræða er ljóst að leikmenn sem spila í stóru deildunum í Evrópu verða ekki gjaldgengir en leikmenn liða af norðurlöndunum verða með sem og Viðar Örn Kjartansson og Sölvi Geir Ottesen úr kínversku deildinni.
Staðfest er að leikið verður við Finna 13. janúar, og stefnt er að öðrum leik 16. janúar, en mótherjinn er ekki staðfestur. Bàðir leikirnir verða sýndir í beinni sjónvarpsútsendingu hjà RÚV.
Liðið verður í Abu Dhabi 10. - 17. janúar í æfingabúðum.
Athugasemdir