Hamza Hamzaoglu hefur verið látinn taka pokann sinn hjá tyrkneska stórveldinu Galatasaray.
Þetta var staðfest í yfirlýsingu á heimasíðu félagsins nú rétt í þessu en þar er Hamzaoglu þakkað fyrir hans framlag og honum óskað velfarnaðar í framtíðinni.
Hamzaoglu stýrði liðinu til sigurs í tyrknesku úrvalsdeildinni á síðustu leiktíð eftir að hafa tekið við af Ítalanum Cesare Prandelli í nóvember á síðasta ári.
Galatasaray er nú í 3.sæti deildarinnar, fimm stigum á eftir toppliði Besiktas.
Þá hefur liðið ekki þótt sannfærandi í Meistaradeild Evrópu en Galatasaray er í þriðja sæti C-riðils, þrem stigum frá Atletico Madrid sem er í öðru sæti.
Athugasemdir