þri 18. desember 2012 12:41
Magnús Már Einarsson
Heimild: Goal.com 
Sterling að ganga frá nýjum samningi við Liverpool
Mynd: Getty Images
Raheem Sterling er að ganga frá nýjum fimm ára samning við Liverpool samkvæmt heimildum Goal.com.

Þessi 18 ára gamli leikmaður mun líklega fá 30 þúsund pund í vikulaun í nýja samningnum en hann mun síðan fá ríflega launahækkun á hverju ári.

Sterling hefur verið lengi í viðræðum við Liverpool en önnur félög eins og Manchester United hafa sýnt honum áhuga.

Sterling er sem stendur á unglingasamningi hjá Liverpool en hann á átján mánuði eftir af honum. Sá samningur er sagður færa honum einungis 300 pund í vikulaun.

Á þessu tímabili hefur Sterling slegið í gegn í liði Liverpool og verið í byrjunarliðinu í 16 af 17 deildarleikjum liðsins.
Athugasemdir
banner
banner
banner