Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   fim 18. desember 2014 17:00
Magnús Már Einarsson
Heimild: Austurfrétt 
Óttar Steinn í Hött (Staðfest)
Óttar Steinn Magnússon.
Óttar Steinn Magnússon.
Mynd: Fótbolti.net - Hafliði Breiðfjörð
Varnarmaðurinn Óttar Steinn Magnússon hefur gengið til liðs við uppeldisfélag sitt Hött á nýjan leik en Austurfrétt greinir frá.

Hinn 25 ára gamli Óttar Steinn hefur leikið með Víkingi R. undanfarin tvö ár en í sumar spilaði hann þrettán leiki í Pepsi-deildinni.

Þá hefur sóknarmaðurinn Steinar Aron Magnússon æft með Hetti að undanförnu en hann gekk til liðs við FH í byrjun árs.. Samningur hans við Hafnarfjarðarliðið rennur út um áramót.

Aron Gauti Magnússon úr Fjarðabyggð og Jovan Kujundzic hjá Víkingi voru í láni hjá Hetti á síðasta tímabili en óljóst er með framtíð þeirra.

Þá er ekki víst hvað varnarmaðurinn öflugi Anton Ástvaldsson gerir en hann hjálpaði Hetti að vinna 3. deildina í sumar og endurheimta sæti sitt í 2. deild.

Gunnlaugur segir í samtali við Austurfrétti að stefnan sé á að byggja liðið á heimamönnum og styrkja það með lánsmönnum. Hattarmenn séu tilbúnir að bíða fram í mars eða apríl þegar skýrist hvaða leikmenn komist að hjá úrvalsdeildarliðunum.
Athugasemdir
banner
banner
banner