fim 18. desember 2014 12:57
Magnús Már Einarsson
Sigurður Marinó eftirsóttur
Mynd: Fótbolti.net - Hafliði Breiðfjörð
Óvíst er hvort kantmaðurinn Sigurður Marinó Kristjánsson muni leika áfram með Þór á næsta tímabili.

Sigurður Marinó æfði með Fjölnismönnum á dögunum en fleiri félög hafa sýnt honum áhuga.

Samkvæmt heimildum Fótbolta.net hefur eitt félag í Pepsi-deildinni boðið Sigurði samning sem og eitt félag í 1. deildinni.

Þórsarar vilja einnig halda Sigurði en hann er uppalinn hjá félaginu. Þá hafa félög í norsku neðri deildunum sýnt honum áhuga.

Sigurður Marinó hefur skorað átta mörk í 146 deildar og bikarleikjum með Þór.

Í sumar skoraði þessi 23 ára gamli leikmaður eitt mark í 21 leik í Pepsi-deildinni.
Athugasemdir
banner
banner
banner
banner
banner