Burnley eru sagðir hafa sett sig í sambandi við Norwich City um möguleg kaup á miðjumanninum Alex Pritchard.
Talið er að líklegt verð fyrir Pritchard séu 8 milljónir punda en hann var keyptur til Norwich frá Tottenham í ágúst á síðastliðinn. Pritchard gæti því verið á leið aftur í ensku úrvalsdeildina.
Hinn 23 ára gamli Pritchard á leiki fyrir undir 21 árs lið Englendinga en hann náði aldrei almennilega að brjóta sér leið inn í lið Tottenham.
Hann var meðal annars lánaður til Peterborough, Swindon, Brentford og West Bromwich Albion áður en hann var síðan keyptur til Norwich þar sem hann hefur leikið 18 leiki á tímabilinu og skorað tvívegis.
Athugasemdir