Fyrri leikur dagsins í Lengjubikarnum var að ljúka rétt í þessu en það var leikur KR og Selfoss. Leikið var í Egilshöll.

Liðin mættust í bikarnum í fyrra og þá sigraði Selfyssingar á útivelli.

Fyrri hálfleikurinn var fjörugur og komust Selfyssingar yfir á 11. mínútu þegar Ivan Pachu Martinez skoraði. KR-ingar jöfnuðu eftur tæplega hálftíma leik þegar Pálmi Rafn Pálmason skoraði.

Óskar Örn Hauksson kom KR yfir með glæsilegu þrumuskoti upp í samskeytin á 42. mínútu en tveimur mínútum síðar jafnaði James Mack fyrir Selfoss.

Ekkert mark var skorað í seinni hálfleik og skildu liðin því jöfn en þetta var fyrsti leikur liðanna í mótinu.