Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   mán 19. febrúar 2018 08:00
Ívan Guðjón Baldursson
Skandall í uppsiglingu á Ítalíu - Formannsefni undir rannsókn
Mynd: Getty Images
Gabriele Gravina, formannsefni ítalska knattspyrnusambandsins, liggur undir grun fyrir að hafa þegið mútur fyrir rúmlega 20 árum, þegar hann var forseti B-deildarliðsins Castel di Sangro.

Athafnamaðurinn Gravina hefur verið formaður knattspyrnusambands neðri deilda ítalska boltans síðan 2015.

Mútuskandallinn fer aftur til 15. júní 1997 þegar Bari og Castel di Sangro mættust í lokaumferð ítölsku B-deildarinnar.

Castel di Sangro hafði komið öllum á óvart og var búið að tryggja sér öruggt sæti í deildinni á meðan Bari þurfti 3-1 sigur til að komast upp í A-deildina.

Luca Albieri var leikmaður Castel di Sangro á þessum tíma og kom nýverið fram opinberlega til að segja frá atvikinu. Þá hefur annar ónafngreindur fyrrverandi leikmaður félagsins tjáð sig um málið fyrir framan falda myndavél.

„Við fengum skilaboð beint frá stjórnendum félagsins að þessi leikur yrði að tapast 3-1. Við fengum góðan bónus fyrir að halda okkur í deildinni og annan sér bónus fyrir að tapa gegn Bari," sagði Albieri.

„Þetta var ekki góð vika, við misstum allan metnað, okkur var slétt sama á æfingum og við enduðum á að tapa leiknum viljandi, 3-1."

Mútuskandalar eru vissulega ekki nýir af nálinni á Ítalíu, sem á Calciopoli skandalinn heimsfræga að baki þar sem Juventus var sent niður um deild og titlar dæmdir af félaginu.
Athugasemdir
banner
banner
banner