Manchester United fer í heimsókn á Riverside völlinn og mætir þar Middlesboro sem hafa verið í alls kyns vandræðum upp á síðkastið. En félagið lét þjálfara sinn Aitor Karanka taka pokann sinn fyrr í vikunni.

Leikurinn er mikilvægur fyrir bæði lið þar sem að Middlesboro er komið í harða botnbaráttu. Liðið situr í 19. sæti deildarinnar með 22 stig og getur með sigri farið upp fyrir Hull og Crystal Palace, og þar með upp úr fallsæti í bili.

Manchester United situr í 7. sæti deildarinnar með 49. stig en með sigri geta þeir farið upp fyrir Everton og Arsenal í 5. og 6. sæti deildarinnar og þar með, minnkað bilið í Liverpool í 3 stig.