Napoli byrjaði leikinn af miklum krafti og þeir fengu vítaspyrnu á 6. mínútu leiksins. Dries Mertens fór á punktinn en brenndi af.

Napoli létu vítaklúðrið ekki á sig fá og voru snöggir að brjóta ísinn þegar að Lorenzo Insigne kom boltanum í netið á 19. mínútu.

Dries Mertens bætti upp fyrir að hafa misnotað vítaspyrnunna 5 mínútum síðar þegar hann skoraði annað mark gestanna.

Á 38. mínútu fengu Napoli menn svo aðra vítaspyrnu og nú var röðin komin að Lorenzo Insigne, hann tók spyrnuna og skoraði af nokkru öryggi. 3-0 fyrir gestina í hálfleik.

Omar El Kaddouri minnkaði muninn fyrir heimamenn á 70. mínútu áður en að heimamenn fengu síðan vítaspyrnu sem að varamaðurinn Massimo Maccarone tók og skoraði úr nokkuð örugglega.

Staðan skyndilega orðin 3-2 og mikil spenna var á lokakafla leiksins. Nær komust heimamenn þó ekki og Napoli því með gríðarlega sterkan sigur í toppbaráttunni.