Alvaro Morata, framherji Chelsea, skoraði sitt fyrsta mark á þessu ári í 2-1 sigrinum á Leicester í enska bikarnum í gær. Spánverjinn hafði ekki skorað í þrettán leikjum í röð áður en kom að leiknum í gær.

Antonio Conte, stjóri Chelsea, hrósaði Morata sérstaklega eftir leikinn í gær.

„Það var mjög mikilvægt fyrir Alvaro að skora. Ég er mjög ánægður með hans frammistöðu," sagði Conte.

„Hann átti mjög góðan leik og hann sýndi frábæran karakter. Ég tel að þetta mark verði mjög mikilvægt fyrir okkur í framtíðinni," sagði Conte en hann hrósaði einnig Pedro sem skoraði sigurmarkið.