Fótbolti.net ræddi við Ívar Örn Jónsson, vinstri bakvörð Víkinga, eftir að liðið tapaði 0-1 í undanúrslitum Lengjubikarsins í dag.
„Mér fannst við frekar sofandi í byrjun og fáum á okkur klaufalegt mark. Í seinni hálfleik liggjum við á þeim en þeir eru að verja forystuna," segir Ívar.
Það var talsvert rok meðan á leik stóð.
„Auðvitað hefur það áhrif á leikinn en þetta er eitthvað sem maður á að búast við. Við eigum fyrsta leik í Keflavík 3. maí og líklegt að það verði rok þar. Menn þurfa að spila eftir aðstæðum."
Viðtalið má sjá í sjónvarpinu hér að ofan en þar talar Ívar meðal annars um frammistöðuna á undirbúningstímabilinu.
Athugasemdir