Almeria missti af tækifæri á að komast í 15.sæti deildarinnar þegar liðið tapaði fyrir Rayo Vallecano í fyrsta leik dagsins í La Liga.

Antonio Amaya kom heimamönnum yfir á 23.mínútu og varamaðurinn Miku gerði út um leikinn með marki í uppbótartíma.

Almeria er því enn í 18.sæti með jafnmörg stig og Deportivo La Coruna sem er sæti ofar. Levante, Elche og Eibar koma svo í næstu sætum fyrir ofan og eru í bullandi fallhættu þegar sex umferðir eru eftir.

Sigurinn fleytti Rayo Vallecano upp í 10.sæti þar sem liðið er með 41 stig.