Arnór Sveinn Aðalsteinsson er nýr fyrirliði Blika.
„Ég vona að þetta sé merki um það sem koma skal. Það var kraftur í okkur og við vorum að spila ansi vel. Ég get ekki séð af hverju við ættum ekki að geta haldið þessu áfram," segir Arnór Sveinn Aðalsteinsson, fyrirliði Breiðabliks.
Arnór var í viðtali í útvarpsþættinum Fótbolti.net á X-inu í gær og er hægt að hlusta á viðtalið í spilaranum hér að ofan.
Arnór var í viðtali í útvarpsþættinum Fótbolti.net á X-inu í gær og er hægt að hlusta á viðtalið í spilaranum hér að ofan.
Rætt var um Breiðabliksliðið og frábæra frammistöðu í 5-1 sigri gegn Val í Lengjubikarnum í síðustu viku en í dag mætir liðið Víkingi í undanúrslitum.
„Við erum með marga Blika og marga unga leikmenn í bland við eldri Blika. Menn eru í góðu standi svo við getum alveg spilað leiftrandi bolta. Við stefnum á Evrópubaráttuna og vera þarna við toppinn."
Arnar Grétarsson tók við þjálfun Breiðabliks fyrir tímabilið.
„Hann var sjálfur vel spilandi sem leikmaður og hann leggur áherslu á það en líka að menn taki hraðaupphlaupin þegar þeir geta. Við erum með góða leikmenn í það og hraða fram á við," segir Arnór og talar um mikla fagmennsku hjá Arnari.
„Það er þvílíkur vilji og áhugi hjá honum. Eftir hverja æfingu mætir hann og sér til þess að menn fari í ísbað, taki prótein og hugsi vel um sig. Hann setur mikla kröfu á okkur og lyftir hverjum og einum upp."
Arnar gerði Arnór að fyrirliða.
„Þetta er mjög mikill heiður og ég var mjög ánægður þegar Addi spurði mig hvort ég væri til í þetta," segir Arnór en viðtalið er í heild sinni í spilaranum hér að ofan.
Athugasemdir
