Wayne Rooney, fyrirliði Manchester United, verður mögulega í hóp liðsins sem mætir Anderlecht í Evrópudeildinni á morgun.
Rooney, sem er orðinn 31 árs gamall, hefur misst af síðustu fjórum leikjum United vegna ökklameiðsla, en svo gæti farið að hann verði á bekknum annað kvöld gegn Anderlecht. Leikurinn er í 8-liða úrslitum.
Rooney, sem er orðinn 31 árs gamall, hefur misst af síðustu fjórum leikjum United vegna ökklameiðsla, en svo gæti farið að hann verði á bekknum annað kvöld gegn Anderlecht. Leikurinn er í 8-liða úrslitum.
Rooney missti af fyrri leiknum í Belgíu sem endaði með 1-1 jafntefli. Leikurinn á morgun er afar mikilvægur fyrir Man Utd, en sigur í Evrópudeildinni gefur sæti í Meistaradeildinni á næstu leiktið.
Rooney æfði í dag og Jose Mourinho, stjóri United, staðfesti við blaðamenn að fyrirliðinn gæti verið á meðal varamanna á morgun.
„Hann er leikmaður sem getur hjálpað okkur og ef við þurfum mark þá getum við sett hann inn á," sagði Mourinho.
Athugasemdir