Í dag lýkur lokaumferðinni í Serie A á Ítalíu og níu leikir fram í dag, Sampdoria og meistararnir í Juventus mættust í gær.
Fallbaráttan er ráðin en Palermo, Siena og Pescara munu falla niður í Serie B. Eina baráttan er um sæti í Evrópukeppnum fyrir næstu leiktíð.
AC Milan á bestu möguleika á sæti í undankeppni Meistaradeildarinnar en liðið mætir Siena á sunnudagskvöld. Fiorentina er tveimur stigum á eftir AC Milan í fjórða sætinu og heimsækir Pescara á sama tíma.
Udinese er í fimmta og síðasta sæti sem gefur þátttökurétt í Evrópudeildina og mætir Inter. Lazio vonast að Udinese misstígi sig á San Siro því með sigri gegn Cagliari myndi Lazio lyfta sér upp fyrir Udinese ef Udinese tapar fyrir Inter.
Roma og Inter eiga enga möguleika á evrópusæti í deildinni. Roma getur þó unnið sæti í Evrópudeildinni með sigri á Lazio í úrslitaleik ítalska bikarsins síðar í mánuðinum.
Leikir dagsins:
13:00 Atalanta - Chievo
13:00 Bologna - Genoa
18:45 Roma - Napoli
18:45 Cagliari - Lazio
18:45 Inter - Udinese
18:45 Palermo - Parma
18:45 Pescara - Fiorentina
18:45 Siena - AC Milan
18:45 Torino - Catania
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
