Andri Steinn Birgisson, spilandi þjálfari Þróttar í Vogum, þurfti að játa sig sigraðan gegn fyrrum samherjum í Grindavík í Borgunarbikarnum í gær. Þróttarar leika í neðstu deild en grannar þeirra í Grindavík í 1. deildinni.
Lestu um leikinn: Grindavík 1 - 0 Þróttur V.
„Við erum mjög sáttir við þennan leik. Við lögðum þennan leik þannig upp að við ætluðum að leggja rútunni. Það gekk alveg upp á tíu. Varnarvinnan var frábær."
„Ég er virkilega sáttur við vinnuframlagið og að mæta hingað í Grindavík og ná þessum úrslitum er sigur fyrir okkur," sagði Andri en Grindavík vann 1-0 sigur.
Andri segir að Þróttur hafi átt að fá víti í lokin.
„Það var víti og ég veit að þjálfari Grindavíkur hafi staðfest að það átti að vera víti. En svona er þetta."
Viðtalið má sjá í heild sinni hér að ofan.
Athugasemdir