þri 19. maí 2015 14:25
Magnús Már Einarsson
Indriði spilar á Íslandi næsta sumar
Indriði Sigurðsson.
Indriði Sigurðsson.
Mynd: Fótbolti.net - Hafliði Breiðfjörð
Indriði Sigurðsson mun yfirgefa norska félagið Viking í haust og spila á Íslandi næsta sumar.

Hinn 33 ára gamli Indriði hefur verið í atvinnumennsku erlendis frá því árið 1999 en nú er hann á heimleið.

Líklegt þykir að Indriði semji við uppeldisfélag sitt KR.

„Ég tók þessa ákvörðun í febrúar fyrir æfingaferðina á La Manga. Þá var mikið rót í félaginu. Það er ennþá og þessi ákvörðun er rétt. Fjölskyldan vill fara heim núna," sagði Indriði við Aftenbladet.

Fjölskylda Indriða mun flytja heim til Íslands frá Noregi í sumar en hann fer sjálfur heim eftir tímabilið í Noregi.

Indriði hefur á atvinnumannaferli sínum einnig leikið með Lyn og Lilleström í Noregi sem og Genk í Belgíu.
Athugasemdir
banner
banner
banner