Michael Laudrup, fyrrum stjóri Swansea, hefur engan áhuga á að taka við West Ham en hann hefur verið orðaður við stöðuna að undanförnu.
Laudrup er í dag að þjálfa Lekhwiya í Katar og hann kann vel við sig í peningunum þar.
„Lekhwiya vill framlengja samning minn hér og ég mun ákveða mig á næstu tveimur vikum," sagði Laudrup.
„Ég ætla ekki að taka tilboði frá miðlungsliði á Englandi eða Spáni. Ég hef prófað það og núna vil ég sem þjálfari prófa eitthvað nýtt."
„Ef að stórlið kemur þá mun ég ekki segja nei en ég myndi líka vilja þjálfa í Bandaríkjunum ef ég fengi tækifæri til þess."
Athugasemdir