Knattspyrnulið Augnabliks er skipað að mestu af gömlum leikmönnum Breiðabliks og eru eru þeir stórhuga fyrir Íslandsmótið í sumar og hafa styrkt sig gríðarlega fyrir sumarið.
Fótbolti.net spáði þeim sigri í sínum riðli og byrjaðu þeir mótið af krafti í gær og unnu lið Afríku sannfærandi.
Fótbolti.net spáði þeim sigri í sínum riðli og byrjaðu þeir mótið af krafti í gær og unnu lið Afríku sannfærandi.
Í kvöld hafa Augnabliksmenn blásið til veislu í Smáranum þar sem Augnablikar, leikmenn og stuðningsmenn munu þétta raðirnar fyrir sumarið.
Hjörvar Hafliðason mun stýra partyinu og sjá um leikmannakynningu liðsins. Björn Bragi mun kíkja við og grilla aðeins í mannskapnum,Blaz Roca einn harðasti stuðningsmaður félagsins mun svo grípa í micinn ásamt því að Danni Deluxe mun þeyta skífum.
Fótbolta.net heyrði í Hjörvari Hermannssyni, leikmanni Augnabliks og skipuleggjanda viðburðarins en hann sagði fyrirkomulagið fyrir kvöldið sáraeinfalt.
„Prógrammið í kvöld er jafn dýrt og leikmannahópurinn en gríðarlegur áhugi er fyrir kvöldinu. Miðinn er á 3000 ISK og innifalið í því er matur drykkur en það verður fullt hús af Kópavogsbúum ásamt því að það eru skipulagðar sætaferðir frá Selfossi. “
„Það hefur alltaf verið frábært fólk í kringum Augnablik en í ár ætlum við að gera enn betur og er þetta sumarpartí liður í því að þjappa liðinu og stuðningsmönnum saman ásamt því að kroppa af þeim nokkra þúsundkalla til að standa straum af kostnaði við mótið í sumar. Það eru allir velkomnir í kvöld og hægt er að nálgast miða hjá leikmönnum Augnabliks ásamt því að hægt er að borga sig inn við hurð.”
Nánari upplýsingar um viðburðinn má nálgast hér!
Athugasemdir
