Það er ekkert gífurlega spennandi lokaumferð framundan í þýsku úrvalsdeildinni.

Bayern Munchen varð meistari örugglega og Ingolstadt og Darmstadt falla.

Þrátt fyrir það er spenna í efri og neðri hluta deildarinnar.

Hertha Berlin, Freiburg, Köln og Werder Bremen eru öll að berjast um tvö sæti í Evrópudeildinni.

Í neðri hlutanum er enn barátta um hvaða lið mun fara í umspil um fall úr úrvalsdeildinni. Þar er úrslitaleikur á milli Hamburg og Wolfsburg. Hamburg verður að vinna þennan leik, ef ekki fara þeir í umspilið.