Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   lau 19. maí 2018 07:30
Guðmundur Aðalsteinn Ásgeirsson
Segir að áhugi Real Madrid á Alaba sé ekkert leyndarmál
Mynd: Getty Images
Faðir David Alaba, leikmanns Bayern München, segir að Real Madrid sé áhugasamt um að fá son sinn.

Alaba fór á láni til Hoffenheim árið 2011, annars hefur hann leikið allan sinn feril með Bayern. Á tíma sínum hjá Bayern hefur hann unnið fjölda titla, þar á meðal þýsku Bundesliguna sjö sinnum.

Áður hefur Alaba verið orðaður við Real Madrid og að sögn föður hans, sem er starfar einnig sem umboðsmaður Alaba, gæti hann verið á leið þangað í sumar.

„Allir vita að Real hefur mikinn áhuga á David," sagði George, faðir Alaba, í viðtali við AS.

„Við getum ekki sagt neitt núna. Við munum sjá hvað gerist í sumar. Áhugi Real Madrid er ekkert leyndarmál, en akkúrat núna er ekki rétti tíminn til þess að tala um það. Hann verður að bíða og sjá hvað gerist eftir tímabilið."

Bayern leikur bikarúrslitaleik við Eintracht Frankfurt í kvöld. Leikurinn hefst klukkan 18:00.
Athugasemdir
banner
banner
banner
banner