Bayern München og Eintracht Frankfurt mætast í úrslitum þýsku bikarkeppninnar á þessu laugardagskvöldi.

Það er nokkuð skrítin stemning fyrir leiknum þar sem Niko Kovac, þjálfari Frankfurt, mun taka við Bayern eftir tímabilið. Leikurinn í kvöld verður furðulegur fyrir hann.

Borussia Dortmund er ríkjandi bikarmeistari en Bayern ætlar sér að endurheimta titilinn í kvöld. Bayern getur unnið tvöfalt í Þýskalandi þetta árið eftir að hafa unnið þýsku úrvalsdeildina.