Real Betis tekur á móti Real Sociedad í einum eftirvæntasta leik dagsins þar sem liðin eru í harðri baráttu um sjötta sæti deildarinnar, sem gefur þátttökurétt í riðlakeppni Evrópudeildarinnar næsta haust.

Sociedad er einu stigi fyrir ofan Betis í þeirri baráttu, en sjöunda sætið tekur þátt í Sambandsdeildinni.

Í fallbaráttunni þarf Cádiz sigur á heimavelli til að falla ekki, auk þess að treysta á að Mallorca mistakist að sigra löngu fallið botnlið Almeria. Mallorca getur bjargað sér frá falli með sigri í þeirri viðureign.

Þá getur Celta Vigo einnig bjargað sér frá falli með sigri á útivelli gegn föllnu liði Granada, en jafntefli er líklegast nóg.

Villarreal þarf sigur gegn Real Madrid og að treysta á tap hjá Real Betis til að eiga raunhæfa möguleika á Evrópusæti á meðan Rayo Vallecano nægir jafntefli gegn Barcelona til að forðast fallbaráttuna endanlega.

Leikir dagsins:
17:00 Athletic Bilbao - Sevilla
17:00 Atletico Madrid - Osasuna
17:00 Barcelona - Vallecano
17:00 Real Betis - Real Sociedad
17:00 Cadiz - Las Palmas
17:00 Mallorca - Almeria
17:00 Granada CF - Celta
17:00 Valencia - Girona
17:00 Villarreal - Real Madrid