Ólafur Brynjólfsson, þjálfari Gróttu í 2. deildinni, var í skýjunum í kvöld er lið hans komst í 8-liða úrslit Borgunarbikarsins eftir 3-2 sigur á Magna.
,,Ég er gríðarlega ánægður að við erum komnir áfram, það er klárt. Við gerðum þetta miklu erfiðara fyrir okkur en þurfti. Við vorum með leikinn í hendi okkar, 2-0 yfir og einum fleirri," sagði Ólafur.
Grótta komst í fyrsta sinn í sögunni í 8-liða úrslit bikarsins í kvöld, en stoltið er mikið á Seltjarnarnesi í kvöld.
,,Við ætluðum okkur áfram. Fyrsta skiptið í sögu Gróttu í 8-liða úrslitum, gott að vera komnir í pottinn, bara frábært. Það er bara gaman að komast í sögubækurnar."
Ólafur segir að Seltigningar vilji fá KR-inga, en þeir unnu Leiknismenn nokkuð örugglega í kvöld.
,,Ég veit að Seltirningar vilja KR, þeir vilja fá þá á Gróttuvöll, en mér er alveg sama. Við förum í þann leik til að vinna, bara spurning hvaða lið það er," sagði hann ennfremur.
Hægt er að sjá viðtalið í heild sinni hér að ofan.
