Stýrir liðinu þó ekki á morgun
Þorvaldur Örlygsson ásamt Dean Martin og Jóni Þór Haukssyni aðstoðarmönnum sínum eftir undirskriftina í dag.
Þorvaldur Örlygsson er tekinn við þjálfun ÍA. Hann mun þó ekki stýra liðinu á morgun þegar liðið leikur við Breiðablik í Borgunarbikarnum. Dean Martin, sem verður aðstoðarmaður Þorvaldar, stýrir liðinu í þeim leik.
Fyrsti leikur Þorvaldar, sem nýlega hætti störfum hjá Fram, sem þjálfari ÍA verður á mánudagskvöld gegn Keflavík.
Af heimasíðu ÍA:
Knattspyrnufélag ÍA og Þorvaldur Örlygsson hafa undirritað samning þess efnis að Þorvaldur taki að sér þjálfun meistaraflokks karla. Samningurinn er ótímabundinn með venjulegum gagnkvæmum uppsagnarfresti.
Viðræður á milli aðila hófust seint í gærkvöld og hefur nú lokið með því að samkomulag hefur náðst. Strax í upphafi viðræðna var ljóst að samhljómur var á milli Knattspyrnufélags ÍA og Þorvaldar um framtíðarsýn félagsins.
Þorvaldur er einn af reynslumestu þjálfurum landsins og að baki farsælan feril sem leikmaður.
F.h. Knattspyrnufélags ÍA
