Asensio í leik með Real Madrid.
Marco Asensio er nafn sem fótboltaunnendur munu væntanlega heyra meira af í framtíðinni.
Þessi strákur leikur með spænska stórveldinu Real Madrid, en hann skoraði þrennu er spænska U21 árs landsliðið vann Makedóníu 5-0 á Evrópumótinu á laugardag.
Þessi strákur leikur með spænska stórveldinu Real Madrid, en hann skoraði þrennu er spænska U21 árs landsliðið vann Makedóníu 5-0 á Evrópumótinu á laugardag.
„Við vissum að fyrsti leikur okkar yrði flókinn vegna þess að við þyrftum að byrja vel. Mér fannst við eiga frábæran leik á móti góðu liði, sem gerði okkur erfitt fyrir," sagði Asensio eftir sigurinn.
Asensio er aðeins 21 árs gamall, en hann er nú þegar farinn að spila með stjörnuprýddu liði Real Madrid. Hann kom m.a. inn á í úrslitaleik Meistaradeildarinnar og skoraði er Real vann 4-1 sigur á Juventus.
„Ég verð að vera auðmjúkur og halda áfram að vinna. Hrósið má ekki stíga mér til höfuðs," sagði hann.
Muy contento por la victoria del equipo y por mi primer hat-trick. ¡A seguir! #U21EURO 💪🏽🇪🇸 pic.twitter.com/Of05CMu5WP
— Marco Asensio (@marcoasensio10) June 17, 2017
Athugasemdir
