Sky Sports greinir frá því að Dele Alli sé á leið í röntgenmyndatöku eftir 2-1 sigur Englendinga gegn Túnis í fyrstu umferð Heimsmeistaramótsins.
Alli meiddist á læri en ekki er vitað hversu alvarleg meiðslin eru. Alli byrjaði leikinn en var skipt útaf á 80. mínútu, fyrir Ruben Loftus-Cheek.
Alli er lykilmaður í enska landsliðinu þar sem hann spilar sem framliggjandi miðjumaður.
Næsti leikur Englendinga er gegn Panama, áður en liðið mætir Belgíu í væntanlegum úrslitaleik um toppsæti riðilsins.
Athugasemdir
