Halldór Jón eða Donni eins og hann er gjarnan kallaður var hundsvekktur eftir að hafa aðeins fengið eitt stig gegn skipulögðu og góðu varnarliði Selfyssinga í kvöld. Fyrir leikinn höfðu Þór/KA unnið alla sína leiki í deildinni en Selfyssingar náð að binda enda á þessa sigurgöngu.
Lestu um leikinn: Selfoss 0 - 0 Þór/KA
„Sigurgöngunni er ekki lokið, það er kannski bara smá stopp á henni. Við ætlum að vinna næsta leik."
„Við fengum stig í dag en ég er reyndar ógeðslega fúll með það, við ætluðum að ná í þrjá punkta og vorum miklu betra liðið úti á vellinum. Við sköpuðum okkur miklu meira en nóg af helvítis færum til að skora eitt mark en það tókst ekki."
„Við vorum ragar fyrir framan markið og ætluðum að senda á næsta sem var ekki einu sinni í betra færi. Við vorum að nýta horn og aukaspyrnur illa. Stundum er þetta bara svona dagur og þetta var bara off í dag."
Við tekur mjög erfitt leikjaprógram í deildinni en liðið hefur nær eingöngu spilað við lið í neðri hlutanum það sem af er.
„Mér líst bara vel á það eins og alla leiki. Við ætlum að vinna alla þá leiki sem að eftir eru, það hlýtur að vera markmið allra liða. Það er ekkert annað í stöðunni en að girða sig í brók."
Viðtalið við Donna má sjá í heild sinni hér að ofan.
Athugasemdir
