Fjölmiðlar fá einungis að fylgjast með fyrstu 15 mínútunum á æfingum landsliðsins og því er ekki vitað hvort Gylfi hafi tekið frekari þátt á æfingunni eða einungis verið með Friðriki í séræfingum.

Gylfi meiddist á hné í leik með Everton í mars en hann kom við sögu í báðum vináttuleikjum Íslands fyrir HM.

Hann spilaði síðan allan leikinn gegn Argentínu á laugardaginn og hljóp mest allra í liði Íslands.

Vonandi er að Gylfi verði klár í slaginn þegar Ísland mætir Nígeríu á föstudaginn en líklega hefur verið um varúðarráðstöfun að ræða á æfingu í dag.