Eins og margoft hefur komið fram er Heimir Guðjónsson að gera magnaða hluti með HB í Færeyjum.
Heimir tók við HB eftir að FH kaus að nýta sér ekki þjónustu hans lengur. HB, sem er stærsta félagið í Færeyjum, var í mikilli lægð áður en Heimir kom en hann hefur reist félagið upp.
Heimir tók við HB eftir að FH kaus að nýta sér ekki þjónustu hans lengur. HB, sem er stærsta félagið í Færeyjum, var í mikilli lægð áður en Heimir kom en hann hefur reist félagið upp.
HB er á toppi færeysku úrvalsdeildarinnar 37 stig eftir 14 leiki. Liðið lagði B36 að velli í gær, 2-1 en í leiknum spiluðu Brynjar Hlöðversson og Grétar Snær Gunnarsson með HB. Brynjar hefur verið lykilmaður hjá HB en Grétar er nýkominn á láni frá FH.
HB hefur aðeins tapað einum leik á tímabilinu. Sá tapleikur kom 18. mars síðastliðinn.
Á vefsíðu bolt.fo kemur fram að HB hafi með sigri sínum í gær afrekað eitthvað sem ekkert lið hefur afrekað í Færeyjum frá 2001. Það þarf að fara 17 ár aftur í tímann til að finna lið úr færeysku úrvalsdeildinni sem náði í eins mikið af stigum eftir jafnmarga leiki.
Magnaður árangur hjá Heimi og félögum.
Athugasemdir